yunhi gar adu ki ghulami karenge
yūñhī gar adū kī ġhulāmī kareñge
vo hāsil baḌī nek-nāmī kareñge
kareñge dalīleñ vahāñ ḳhuub nāseh
unhīñ ko ham apnā payāmī kareñge
ijāzat bhī de un ko tañgī dahan kī
vo kis muñh se shīrīñ-kalāmī kareñge
adū ne kiyā ġhusl-e-sehhat sunā hai
vo jalsa baḌā dhūm-dhāmī kareñge
'alī' kā vasīla hai donoñ jahāñ meñ
'nasīm' aur ham kis ko haamī kareñge
yunhi gar adu ki ghulami karenge
wo hasil baDi nek-nami karenge
karenge dalilen wahan KHub naseh
unhin ko hum apna payami karenge
ijazat bhi de un ko tangi dahan ki
wo kis munh se shirin-kalami karenge
adu ne kiya ghusl-e-sehhat suna hai
wo jalsa baDa dhum-dhami karenge
'ali' ka wasila hai donon jahan mein
'nasim' aur hum kis ko hami karenge
Source:
Intekhab-e-Sukhan(Jild-2) (Pg. 154)
- Author: Hasrat Mohani
-
- Edition: 1983
- Publisher: uttar pradesh urdu academy
- Year of Publication: 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
