yunhi nahin hum bolte jate ye apni majburi hai

Manmohan Talkh

yunhi nahin hum bolte jate ye apni majburi hai

Manmohan Talkh

MORE BY Manmohan Talkh

    yūñhī nahīñ ham bolte jaate ye apnī majbūrī hai

    jūñhī kuchh kah chukte haiñ lagtā hai baat adhūrī hai

    sab apnī afvāh bane haiñ asl meñ kyā the bhuul ga.e

    jiine jo sūrat hai so ye bhī aaj zarūrī hai

    duniyā merī zindagī ke din kam kartī jaatī hai kyuuñ

    ḳhuun pasīna ek kiyā hai ye merī mazdūrī hai

    apne baad duniyā meñ Thahrāo jo aa.e to aa.e

    jab tak ham zinda haiñ tab tak har ik daur ubūrī hai

    DhūñD rahe haiñ kis ko log shikārī jaisī nazroñ se

    saf-dar-saf maujūd huuñ maiñ to har ik saf to puurī hai

    sab ik dūsre ko nazroñ se bas ye dilāsa dete haiñ

    haiñ to ham sab paas bas andar ye ik duurī hai

    itnī saarī āvāzoñ meñ shāyad sunñe vaale ko

    bas itnā yaad rahegā merī baat zarūrī hai

    koī bahānā mil jaa.e to haath nahīñ ham aane ke

    der ye hai chal dene meñ tayyārī to puurī hai

    'talḳh' hamāre hosh ke aalam hai rañg-e-suḳhan kuchh aur

    jis par vajd meñ hai ik duniyā vo to ġhair-shu.ūrī hai

    yunhi nahin hum bolte jate ye apni majburi hai

    junhi kuchh kah chukte hain lagta hai baat adhuri hai

    sab apni afwah bane hain asl mein kya the bhul gae

    jine ki jo surat hai so ye bhi aaj zaruri hai

    duniya meri zindagi ke din kam karti jati hai kyun

    KHun pasina ek kiya hai ye meri mazduri hai

    apne baad hi duniya mein Thahrao jo aae to aae

    jab tak hum zinda hain tab tak har ek daur uburi hai

    DhunD rahe hain kis ko log shikari jaisi nazron se

    saf-dar-saf maujud hun main to har ek saf to puri hai

    sab ek dusre ko nazron se bas ye dilasa dete hain

    hain to hum sab pas hi bas andar ki ye ek duri hai

    itni sari aawazon mein shayad sunne wale ko

    bas itna hi yaad rahega meri baat zaruri hai

    koi bahana mil jae to hath nahin hum aane ke

    der ye hai chal dene mein tayyari to puri hai

    'talKH' hamare hosh ke aalam ka hai rang-e-suKHan kuchh aur

    jis par wajd mein hai ek duniya wo to ghair-shuuri hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY