zae nahin hoti kabhi tadbir kisi ki
zaa.e nahīñ hotī kabhī tadbīr kisī kī
merī sī ḳhudāyā na ho taqdīr kisī kī
nāhaq meñ bigaḌ jaane kī aadat ye ġhazab hai
sābit to kyā kījiye taqsīr kisī kī
qāsid ye zabānī tirī bāteñ to sunī haiñ
tab jānūñ ki lā de mujhe tahrīr kisī kī
be-sāḳhta pahroñ hī kahā karte haiñ kyā kyā
ham hote haiñ aur hotī hai tasvīr kisī kī
aisī to 'nizām' un kī na aadat thī vafā kī
vo jaane na jaane ye hai tāsīr kisī kī
zae nahin hoti kabhi tadbir kisi ki
meri si KHudaya na ho taqdir kisi ki
nahaq mein bigaD jaane ki aadat ye ghazab hai
sabit to kya kijiye taqsir kisi ki
qasid ye zabani teri baaten to suni hain
tab jaanun ki la de mujhe tahrir kisi ki
be-saKHta pahron hi kaha karte hain kya kya
hum hote hain aur hoti hai taswir kisi ki
aisi to 'nizam' un ki na aadat thi wafa ki
wo jaane na jaane ye hai tasir kisi ki
Source:
kulliyat-e-nizaam (Pg. 330)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
