zahir na tha nahin sahi lekin zuhur tha
zāhir na thā nahīñ sahī lekin zuhūr thā
kuchh kyuuñ na thā jahān meñ kuchh to zarūr thā
mai ko mire surūr se hāsil surūr thā
maiñ thā nashe meñ chuur nasha mujh meñ chuur thā
kam-māya fard-e-jurm hai kyā kahiye ai karīm
ham se kamī huī ye hamārā qusūr thā
le jā rahe haiñ dost mujhe aa rahā hai dost
kyā maut ko bhī aaj hī marnā zarūr thā
mulk-e-suḳhan har ahl-e-suḳhan ko huā nasīb
'nātiq' mire nasīb meñ ye nāgpur thā
zahir na tha nahin sahi lekin zuhur tha
kuchh kyun na tha jahan mein kuchh to zarur tha
mai ko mere surur se hasil surur tha
main tha nashe mein chur nasha mujh mein chur tha
kam-maya fard-e-jurm hai kya kahiye ai karim
hum se kami hui ye hamara qusur tha
le ja rahe hain dost mujhe aa raha hai dost
kya maut ko bhi aaj hi marna zarur tha
mulk-e-suKHan har ahl-e-suKHan ko hua nasib
'natiq' mere nasib mein ye nagpur tha
Source:
Deewan-e-Natiq (Pg. ebook-54 page-42)
- Author: Natiq Gulavthi
-
- Edition: 1976
- Publisher: Mohammad Abdul Halim
- Year of Publication: 1976
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
