zāroñ se Dariye phūliye zar par na zor par
kiije nigāh hāl-e-sulaimān-o-mor par
rok apne nafs-e-bad ko ki hāsil hai iḳhtiyār
bīmār par hakīm ko hākim ko chor par
ho aabrū baḌhānī to ye kah ab bahr ko
miltā mulā.emat se hai kis zor-o-shor par
ik umr se vazīfa hai sāhab ke naam kā
nāḳhun ke ḳhat haiñ uñgliyoñ ke por por par
nargis ke chashm-e-bad kā hai nāhaq tumheñ ḳhayāl
ilzām bad-nigāhī kā tohmat hai kor par
paañv apnā mere siine pe rakh diije ek baar
ik laat bhī to māriye hātim kī gor par
ulfat meñ dil umaDte hī sar tan se uḌ gayā
sar-posh josh-e-mai se na Thahrā maThor par
kal tak jo sham-e-mahfil-e-aish-o-nishāt the
jaltā nahīñ charāġh hai aaj un kī gor par
bulbul se ham ne laḌke kiyā sirr-e-ishq faash
vāqif hazār the to khulā ab karor par
hote ho baaġh meñ jo ġhazal-ḳhvāñ tum ai 'nasīm'
ḳhanda guloñ ko aatā hai bulbul ke shor par
zaron se Dariye phuliye zar par na zor par
kije nigah haal-e-sulaiman-o-mor par
rok apne nafs-e-bad ko ki hasil hai iKHtiyar
bimar par hakim ko hakim ko chor par
ho aabru baDhani to ye kah ab bahr ko
milta mulaemat se hai kis zor-o-shor par
ek umr se wazifa hai sahab ke nam ka
naKHun ke KHat hain ungliyon ke por por par
nargis ke chashm-e-bad ka hai nahaq tumhein KHayal
ilzam bad-nigahi ka tohmat hai kor par
panw apna mere sine pe rakh dije ek bar
ek lat bhi to mariye hatim ki gor par
ulfat mein dil umaDte hi sar tan se uD gaya
sar-posh josh-e-mai se na Thahra maThor par
kal tak jo sham-e-mahfil-e-aish-o-nishat the
jalta nahin charagh hai aaj un ki gor par
bulbul se hum ne laDke kiya sirr-e-ishq fash
waqif hazar the to khula ab karor par
hote ho bagh mein jo ghazal-KHwan tum ai 'nasim'
KHanda gulon ko aata hai bulbul ke shor par
Source:
Deewan-e-Naseem (Pg. 17)
-
Author:
Pandit Daya Shankar Naseem Lakhnawi
-
- Publisher: Matba Gulshan-e-Faiz, Lucknow
- Year of Publication: 1895
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.