zaban-e-haal pe sabr-o-raza ke lahje mein

zabān-e-hāl pe sabr-o-razā ke lahje meñ

navā-e-ġham hai tire be-navā ke lahje meñ

ye pā-e-jabr se roñdī huī tamannā.eñ

haiñ mahv-e-girya-e-paiham duā ke lahje meñ

havā kā shor girāñ hai samā.at-e-gul par

so maiñ huuñ tujh se muḳhātab sabā ke lahje meñ

vaqār-e-ahd-e-mohabbat lihāz-e-shart-e-vafā

shikast-ḳhurda paḌe haiñ anā ke lahje meñ

ye sher yūñhī nahīñ mo'atabar hue logoñ

'vafā' kā rañg hai ibn-e-vafā ke lahje meñ

zaban-e-haal pe sabr-o-raza ke lahje mein

nawa-e-gham hai tere be-nawa ke lahje mein

ye pa-e-jabr se rondi hui tamannaen

hain mahw-e-girya-e-paiham dua ke lahje mein

hawa ka shor giran hai samaat-e-gul par

so main hun tujh se muKHatab saba ke lahje mein

waqar-e-ahd-e-mohabbat lihaz-e-shart-e-wafa

shikast-KHurda paDe hain ana ke lahje mein

ye sher yunhi nahin mo'atabar hue logon

'wafa' ka rang hai ibn-e-wafa ke lahje mein