Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

zaban pe ghaugha-e-harf-e-dua hai kitni der

Muzaffar Ahmad Muzaffar

zaban pe ghaugha-e-harf-e-dua hai kitni der

Muzaffar Ahmad Muzaffar

MORE BYMuzaffar Ahmad Muzaffar

    zabāñ pe ġhauġhā-e-harf-e-du'ā hai kitnī der

    ye aasrā hai magar aasrā hai kitnī der

    pighal rahī hai charāġhoñ lau december meñ

    ye barf-bārī mausam kaḌā hai kitnī der

    hamāre lab pe vahī al-‘atash naġhma hai

    kanār-e-āb-e-ravāñ karbalā hai kitnī der

    miTā rahī hai mashiyyat har ek naqsh-e-kuhan

    hatheliyoñ pe ye rang-e-hinā hai kitnī der

    tumhārī garmī-e-anfās par bharosa hai

    tumhārā lams magar jāñ-fazā hai kitnī der

    hamāre hujra-e-jāñ to e'tibār nahīñ

    tumhārī yaad mehmāñ-sarā hai kitnī der

    abhī to lutf-o-'ināyāt shumār nahīñ

    ḳhudā ḳhabar ki ye dast-e-‘atā hai kitnī der

    tumheñ ḳhabar nahīñ is sard-posh mausam meñ

    hamārī aañkh se dariyā bahā hai kitnī der

    shurū'-e-'ishq meñ ye iztirāb che mā'nī

    kise ḳhabar ki ye āh-o-bukā hai kitnī der

    sadā-e-gumbad-e-be-dar e'tibār na kar

    ye bāzgasht hai is ko baqā hai kitnī der

    bujhā degā kisī roz pyaas bastī

    mujhe ḳhabar hai ye bādal rukā hai kitnī der

    mirā sharīk-e-safar bhī hai rāhzan tarah

    vo rahnumā hai magar rahnumā hai kitnī der

    jo ho sake to piyo aaj jaam bhar bhar ke

    nazar meñ chashma-e-āb-e-baqā hai kitnī der

    sharāb-e-nāb hai sāġhar uThā.iye vā'iz

    ye bad-maza sahī par bad-maza hai kitnī der

    kise ḳhabar ki ye sub.h-e-visāl panchhī

    jhulastī shāḳh pe naġhma-sarā hai kitnī der

    zaban pe ghaugha-e-harf-e-du'a hai kitni der

    ye aasra hai magar aasra hai kitni der

    pighal rahi hai charaghon ki lau december mein

    ye barf-bari ka mausam kaDa hai kitni der

    hamare lab pe wahi al-‘atash ka naghma hai

    kanar-e-ab-e-rawan karbala hai kitni der

    miTa rahi hai mashiyyat har ek naqsh-e-kuhan

    hatheliyon pe ye rang-e-hina hai kitni der

    tumhaari garmi-e-anfas par bharosa hai

    tumhaara lams magar jaan-faza hai kitni der

    hamare hujra-e-jaan ka to e'tibar nahin

    tumhaari yaad ka mehman-sara hai kitni der

    abhi to lutf-o-'inayat ka shumar nahin

    KHuda KHabar ki ye dast-e-‘ata hai kitni der

    tumhein KHabar nahin is sard-posh mausam mein

    hamari aankh se dariya baha hai kitni der

    shuru'-e-'ishq mein ye iztirab che ma'ni

    kise KHabar ki ye aah-o-buka hai kitni der

    sada-e-gumbad-e-be-dar ka e'tibar na kar

    ye bazgasht hai is ko baqa hai kitni der

    bujha hi dega kisi roz pyas basti ki

    mujhe KHabar hai ye baadal ruka hai kitni der

    mera sharik-e-safar bhi hai rahzan ki tarah

    wo rahnuma hai magar rahnuma hai kitni der

    jo ho sake to piyo aaj jam bhar bhar ke

    nazar mein chashma-e-ab-e-baqa hai kitni der

    sharab-e-nab hai saghar uThaiye wa'iz

    ye bad-maza sahi par bad-maza hai kitni der

    kise KHabar ki ye subh-e-visal ka panchhi

    jhulasti shaKH pe naghma-sara hai kitni der

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now