zaban tak jo na aae wo mohabbat aur hoti hai
zabāñ tak jo na aa.e vo mohabbat aur hotī hai
fasāna aur hotā hai haqīqat aur hotī hai
nahīñ milte to ik adnā shikāyat hai na milne kī
magar mil kar na milne kī shikāyat aur hotī hai
ye maanā shīsha-e-dil raunaq-e-bāzār-e-ulfat hai
magar jab TuuT jaatā hai to qīmat aur hotī hai
nigāheñ taaḌ letī haiñ mohabbat kī adāoñ ko
chhupāne se zamāne bhar kī shohrat aur hotī hai
ye maanā husn kī fitrat bahut nāzuk hai ai 'vāmiq'
mizāj-e-ishq kī lekin nazākat aur hotī hai
zaban tak jo na aae wo mohabbat aur hoti hai
fasana aur hota hai haqiqat aur hoti hai
nahin milte to ek adna shikayat hai na milne ki
magar mil kar na milne ki shikayat aur hoti hai
ye mana shisha-e-dil raunaq-e-bazar-e-ulfat hai
magar jab TuT jata hai to qimat aur hoti hai
nigahen taD leti hain mohabbat ki adaon ko
chhupane se zamane bhar ki shohrat aur hoti hai
ye mana husn ki fitrat bahut nazuk hai ai 'wamiq'
mizaj-e-ishq ki lekin nazakat aur hoti hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
