zabt mumkin na rahe baat hi aisi hogi

zabt mumkin na rahe baat hī aisī hogī

hausloñ ne to bahut parda-darī kī hogī

sar uThāte hue jhuk jaatī haiñ nazreñ jis kī

us kī ġhurbat bhī koī zaat to rakhtī hogī

jo kisī naam se mansūb thī ab tak shāyad

ḳhāna-e-dil meñ vo masnad abhī ḳhālī hogī

sāya-e-gul se lipaT kar koī royā hogā

chāñdnī jab dar-o-dīvār pe utrī hogī

phir zamistāñ kī ThiThurtī huī shab ne chup-chāp

us kī palkoñ pe mirī yaad piro dī hogī

koī tārīk darīchoñ ke pare sochtā hai

raushnī apnī rivāyāt to rakhtī hogī

har kisī ke liye hote haiñ judā paimāne

kāsa-e-chashm se daryūza-garī kī hogī

zabt mumkin na rahe baat hi aisi hogi

hauslon ne to bahut parda-dari ki hogi

sar uThate hue jhuk jati hain nazren jis ki

us ki ghurbat bhi koi zat to rakhti hogi

jo kisi nam se mansub thi ab tak shayad

KHana-e-dil mein wo masnad abhi KHali hogi

saya-e-gul se lipaT kar koi roya hoga

chandni jab dar-o-diwar pe utri hogi

phir zamistan ki ThiThurti hui shab ne chup-chap

us ki palkon pe meri yaad piro di hogi

koi tarik darichon ke pare sochta hai

raushni apni riwayat to rakhti hogi

har kisi ke liye hote hain juda paimane

kasa-e-chashm se daryuza-gari ki hogi