zabt ne bhincha to aasab ki chiKHen niklin
zabt ne bhīñchā to a.asāb kī chīḳheñ niklīñ
hausla TuuTā to ahbāb kī chīḳheñ niklīñ
vahshateñ aisī alamnāk natā.ej meñ milīñ
jin ke imkān pe asbāb kī chīḳheñ niklīñ
us se fir.aun ke aḳhlāq ne māñgī hai panāh
us se shaddād ke ādāb kī chīḳheñ niklīñ
Dūbne vaale ne kis ishq se tan pesh kiyā
shiddat-e-vasl se girdāb kī chīḳheñ niklīñ
aise guftār ne kirdār kī ḳhil.at nochī
māthe likkhe hue alqāb kī chīḳheñ niklīñ
jo na laa.ī ga.ī us taab kī chīḳheñ niklīñ
muñh pe paḌte hue tezāb kī chīḳheñ niklīñ
lafz ubhre to samāvāt ke kañgare Dole
aur jab Duube to mehrāb kī chīḳheñ niklīñ
zabt ne bhincha to aasab ki chiKHen niklin
hausla TuTa to ahbab ki chiKHen niklin
wahshaten aisi alamnak nataej mein milin
jin ke imkan pe asbab ki chiKHen niklin
us se firaun ke aKHlaq ne mangi hai panah
us se shaddad ke aadab ki chiKHen niklin
Dubne wale ne kis ishq se tan pesh kiya
shiddat-e-wasl se girdab ki chiKHen niklin
aise guftar ne kirdar ki KHilat nochi
mathe likkhe hue alqab ki chiKHen niklin
jo na lai gai us tab ki chiKHen niklin
munh pe paDte hue tezab ki chiKHen niklin
lafz ubhre to samawat ke kangare Dole
aur jab Dube to mehrab ki chiKHen niklin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
