zahar lagta hai ye aadat ke mutabiq mujhko

zahar lagtā hai ye aadat ke mutābiq mujh ko

kuchh munāfiq bhī batāte haiñ munāfiq mujh ko

din chaḌhe dhuup kī bāteñ nahīñ suntā koī

chāñdnī-rāt pukāre tirā āshiq mujh ko

kashtiyāñ reshmī ḳhvāboñ kī jalā kar jaanā

kis kī chāhat ne banā rakkhā hai 'tāriq' mujh ko

aap ke naam pe maiñ had meñ rahā huuñ lekin

aap ke naam pe duniyā ne kiyā diq mujh ko

maiñ ne sūraj kī tarah ḳhud ko banāyā jis din

dekhne ā.eñge ye maġhrib-o-mashriq mujh ko

aap kahte to zarā dil ko tasallī hotī

kahne vāloñ ne kahā āshiq-e-sādiq mujh ko

zahar lagta hai ye aadat ke mutabiq mujh ko

kuchh munafiq bhi batate hain munafiq mujh ko

din chaDhe dhup ki baaten nahin sunta koi

chandni-raat pukare tera aashiq mujh ko

kashtiyan reshmi KHwabon ki jala kar jaana

kis ki chahat ne bana rakkha hai 'tariq' mujh ko

aap ke nam pe main had mein raha hun lekin

aap ke nam pe duniya ne kiya diq mujh ko

main ne suraj ki tarah KHud ko banaya jis din

dekhne aaenge ye maghrib-o-mashriq mujh ko

aap kahte to zara dil ko tasalli hoti

kahne walon ne kaha aashiq-e-sadiq mujh ko