zahin shaKHs tha usne kamal baaten kin

zahīn shaḳhs thā us ne kamāl bāteñ kiiñ

misāl ban ga.iiñ vo be-misāl bāteñ kiiñ

maiñ kam-nazar thā ishāre samajh na aa.e mujhe

vo be-zabān thā us ne muhāl bāteñ kiiñ

dikhā.īñ pahle tasāvīr ek sahrā kī

phir us kī aañkh ne mujh se ġhazāl bāteñ kiiñ

vo pūchhtā hī rahā mujh se kyoñ kahāñ kab tak

bichhaḌte vaqt musalsal savāl bāteñ kiiñ

thake thake se kisī shaḳhs kī tarah maiñ ne

ḳhud apne aap se kitnī niDhāl bāteñ kiiñ

qarīb ek baje raat us kā phone aayā

sahar kī pahlī kiran tak visāl bāteñ kiiñ

'amal kī raah meñ 'āsim' harīf tez chale

agarche ham ne ziyāda fa'āl bāteñ kiiñ

zahin shaKHs tha us ne kamal baaten kin

misal ban gain wo be-misal baaten kin

main kam-nazar tha ishaare samajh na aae mujhe

wo be-zaban tha us ne muhaal baaten kin

dikhain pahle tasawir ek sahra ki

phir us ki aankh ne mujh se ghazal baaten kin

wo puchhta hi raha mujh se kyon kahan kab tak

bichhaDte waqt musalsal sawal baaten kin

thake thake se kisi shaKHs ki tarah main ne

KHud apne aap se kitni niDhaal baaten kin

qarib ek baje raat us ka phone aaya

sahar ki pahli kiran tak visal baaten kin

'amal ki rah mein 'asim' harif tez chale

agarche hum ne ziyaada fa'al baaten kin