zahr-e-gham KHub piya humne sharabon se bache

zahr-e-ġham ḳhuub piyā ham ne sharāboñ se bache

jhel kar kitne azāboñ ko azāboñ se bache

sochne baiTheñ to soche hī chale jaate haiñ

ḳhauf kāñToñ kā ajab thā ki gulāboñ se bache

kitne ma.asūm the chehre nahīñ dekhe tum ne

vo jo rah kar bhī naqāboñ meñ naqāboñ se bache

jāgtā ho to na dekhe koī mahloñ kī taraf

kis tarah soyā huā aadmī ḳhvāboñ se bache

is hikāyat meñ koī jhuuT na kar de shāmil

is meñ sachchā.ī agar hai to kitāboñ se bache

kaash ulaT de koī sahrā meñ samundar lā kar

qāfila Duub hī jaa.e to sarāboñ se bache

zahr-e-gham KHub piya hum ne sharabon se bache

jhel kar kitne azabon ko azabon se bache

sochne baiThen to soche hi chale jate hain

KHauf kanTon ka ajab tha ki gulabon se bache

kitne masum the chehre nahin dekhe tum ne

wo jo rah kar bhi naqabon mein naqabon se bache

jagta ho to na dekhe koi mahlon ki taraf

kis tarah soya hua aadmi KHwabon se bache

is hikayat mein koi jhuT na kar de shamil

is mein sachchai agar hai to kitabon se bache

kash ulaT de koi sahra mein samundar la kar

qafila Dub hi jae to sarabon se bache