zaKHm khule paDte hain dil ke mausam hai ye bahaaron ka

zaḳhm khule paḌte haiñ dil ke mausam hai ye bahāroñ kā

lāla-o-gul kī baat nikālo zikr karo añgāroñ kā

ham dukhiyāre un ke sahāre chār-qadam hī chal leñge

chāñd kā āḳhir ham kyā leñge kyā bigḌegā tāroñ kā

ek tabassum ik nigah ḳhāmosh takallum vo bhī nahīñ

kyā hogā jiine kā sahārā ham se dil-afgāroñ kā

ham to Thahre ġham ke maare jiine ko jī hī leñge

kyā hogā dar-chashm-e-subū-bar-dosh chaman-bardāroñ kā

dil hai lazzat-e-ġham kā ḳhūgar sunte hī chauñk uThtā hai

zikr koī jab chhiḌ jaatā hai un nāzuk talvāroñ kā

jashn-e-tarab ke unvāñ kitne phaile kitne aam hue

tum hī kaho kuchh apnī biitī qissa dard ke māroñ kā

tūfānī hai ġham kī kahānī phir vo kahāñ mauzū-e-ġhazal

baat banātunna.ash kī chheḌo zikr karo mah-pāroñ kā

zaKHm khule paDte hain dil ke mausam hai ye bahaaron ka

lala-o-gul ki baat nikalo zikr karo angaron ka

hum dukhiyare un ke sahaare chaar-qadam hi chal lenge

chand ka aaKHir hum kya lenge kya bigDega taron ka

ek tabassum ek nigah KHamosh takallum wo bhi nahin

kya hoga jine ka sahaara hum se dil-afgaron ka

hum to Thahre gham ke mare jine ko ji hi lenge

kya hoga dar-chashm-e-subu-bar-dosh chaman-bardaron ka

dil hai lazzat-e-gham ka KHugar sunte hi chaunk uThta hai

zikr koi jab chhiD jata hai un nazuk talwaron ka

jashn-e-tarab ke unwan kitne phaile kitne aam hue

tum hi kaho kuchh apni biti qissa dard ke maron ka

tufani hai gham ki kahani phir wo kahan mauzu-e-ghazal

baat banatunnash ki chheDo zikr karo mah-paron ka