zaKHm-KHurda to usi ka tha sipar kya leta

zaḳhm-ḳhurda to usī kā thā sipar kyā letā

apnī taḳhlīq se maiñ dād-e-hunar kyā letā

vo kisī aur tasalsul meñ rahā mahv-e-kalām

merī bātoñ kā bhalā dil pe asar kyā letā

us ko fursat hī na thī nāz-e-masīhā.ī se

apne bīmār kī vo ḳhair-ḳhabar kyā letā

ek āvāz pe maqsūm thā chalte rahnā

be-ta.ayyun thā safar raḳht-e-safar kyā letā

sāz-e-lab guñg the be-nūr thī qindīl-e-nazar

aise māhaul meñ ilzām-e-hunar kyā letā

be-niyāzāna rahā apnī ravish par 'mohsin'

shab-parastoñ se bhalā fāl-e-sahar kyā letā

zaKHm-KHurda to usi ka tha sipar kya leta

apni taKHliq se main dad-e-hunar kya leta

wo kisi aur tasalsul mein raha mahw-e-kalam

meri baaton ka bhala dil pe asar kya leta

us ko fursat hi na thi naz-e-masihai se

apne bimar ki wo KHair-KHabar kya leta

ek aawaz pe maqsum tha chalte rahna

be-tayyun tha safar raKHt-e-safar kya leta

saz-e-lab gung the be-nur thi qindil-e-nazar

aise mahaul mein ilzam-e-hunar kya leta

be-niyazana raha apni rawish par 'mohsin'

shab-paraston se bhala fal-e-sahar kya leta