zaKHm par zaKHm muhibban-e-sitam dete gae

zaḳhm par zaḳhm muhibbān-e-sitam dete ga.e

tah-ba-tah jam ga.e ġham phir bhī vo ġham dete ga.e

ham unheñ kashf kī sūrat nazar aa.e har vaqt

vo magar ham ko faqat ḳhvāb-e-adam dete ga.e

gul the maqsūd hamārā thā samar ho jaanā

toḌ kar shāḳh se kyoñ ranj-o-alam dete ga.e

ahl-e-bātil kī ye sāzish thī ki maflūj ho fikr

naam le le ke haqīqat kā bharam dete ga.e

ahl-e-quvvat ke ishāroñ pe qalam chaltā gayā

vo 'evaz meñ use ik ḳhaas raqam dete ga.e

lagtā hai ruk sī ga.ī valiyoñ kī afzā.ish-e-nasl

aur shaitānoñ ko shaitān janam dete ga.e

Thahre mahbūb unheñ Thagne kā haq thā 'jāved'

hukm dete rahe jis chiiz kā ham dete ga.e

zaKHm par zaKHm muhibban-e-sitam dete gae

tah-ba-tah jam gae gham phir bhi wo gham dete gae

hum unhen kashf ki surat nazar aae har waqt

wo magar hum ko faqat KHwab-e-adam dete gae

gul the maqsud hamara tha samar ho jaana

toD kar shaKH se kyon ranj-o-alam dete gae

ahl-e-baatil ki ye sazish thi ki mafluj ho fikr

nam le le ke haqiqat ka bharam dete gae

ahl-e-quwwat ke ishaaron pe qalam chalta gaya

wo 'ewaz mein use ek KHas raqam dete gae

lagta hai ruk si gai waliyon ki afzaish-e-nasl

aur shaitanon ko shaitan janam dete gae

Thahre mahbub unhen Thagne ka haq tha 'jawed'

hukm dete rahe jis chiz ka hum dete gae