zaKHm se KHauf hamein misl-e-guhar kuchh bhi nahin

Mirza Qadir Bakhsh Sabir Dehlavi

zaKHm se KHauf hamein misl-e-guhar kuchh bhi nahin

Mirza Qadir Bakhsh Sabir Dehlavi

MORE BYMirza Qadir Bakhsh Sabir Dehlavi

    zaḳhm se ḳhauf hameñ misl-e-guhar kuchh bhī nahīñ

    ḳhvāhish-e-chāra-e-nāsūr-e-jigar kuchh bhī nahīñ

    itnī muddat se nikālā hai ki mānind-e-adam

    koī pūchhe to mujhe yaad vo ghar kuchh bhī nahīñ

    diye is hasti-e-mauhūm ne kyā kyā dhoke

    go ki zāhir meñ ye sab kuchh hai magar kuchh bhī nahīñ

    sarf umr abas shaġhl-e-duā meñ ham ne

    ki samajhte the koī shai hai asar kuchh bhī nahīñ

    kiije kushta mujhe kaam ā.ūñgā misl-e-sīmāb

    aap fā.eda hai is meñ zarar kuchh bhī nahīñ

    sub.h-e-pīrī huī aur kuuch vaqt aa pahuñchā

    haif hai paas mire zād-e-safar kuchh bhī nahīñ

    bahr-e-rahmat pe ḳhudā ke nahīñ zāhid ko nazar

    sāmne us ke mirā dāman-e-tar kuchh bhī nahīñ

    kyoñ mirī qatl pe bāñdhā ise kholo sāhab

    maiñ gunahgār huuñ aur jurm-e-kamar kuchh bhī nahīñ

    bad-gumānī ne yahāñ vahm lagā.e kyā kyā

    vaañ satāne ke sivā madd-e-nazar kuchh bhī nahīñ

    hai shab-e-vasl mai-e-vasl piyo tum be-ḳhauf

    aañkh kyoñ aap hai jānib-e-dar kuchh bhī nahīñ

    dirham-e-dāġh bhī gardūñ ne diye par 'sābir'

    is meñ hotī mirī auqāt basar kuchh bhī nahīñ

    zaKHm se KHauf hamein misl-e-guhar kuchh bhi nahin

    KHwahish-e-chaara-e-nasur-e-jigar kuchh bhi nahin

    itni muddat se nikala hai ki manind-e-adam

    koi puchhe to mujhe yaad wo ghar kuchh bhi nahin

    diye is hasti-e-mauhum ne kya kya dhoke

    go ki zahir mein ye sab kuchh hai magar kuchh bhi nahin

    sarf ki umr abas shaghl-e-dua mein hum ne

    ki samajhte the koi shai hai asar kuchh bhi nahin

    kije kushta mujhe kaam aaunga misl-e-simab

    aap ka faeda hai is mein zarar kuchh bhi nahin

    subh-e-piri hui aur kuch ka waqt aa pahuncha

    haif hai pas mere zad-e-safar kuchh bhi nahin

    bahr-e-rahmat pe KHuda ke nahin zahid ko nazar

    samne us ke mera daman-e-tar kuchh bhi nahin

    kyon meri qatl pe bandha ise kholo sahab

    main gunahgar hun aur jurm-e-kamar kuchh bhi nahin

    bad-gumani ne yahan wahm lagae kya kya

    wan satane ke siwa madd-e-nazar kuchh bhi nahin

    hai shab-e-wasl mai-e-wasl piyo tum be-KHauf

    aankh kyon aap ki hai jaanib-e-dar kuchh bhi nahin

    dirham-e-dagh bhi gardun ne diye par 'sabir'

    is mein hoti meri auqat basar kuchh bhi nahin

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now