zaKHm shiddat mein muskura rahe the

zaḳhm shiddat meñ muskurā rahe the

hazrat-e-mīr yaad aa rahe the

ye vo pāgal hai jis kā zikr kiyā

vo ta.āruf mirā karā rahe the

kis qadar shoḳh un kā lahja thā

ham to bas dekhte hī jā rahe the

kyā koī zaḳhm-e-dil pe khā baiThe

tum jo ġhālib ko gungunā rahe the

ham to dahlīz se hī lauT aa.e

vo bhī mahfil se uTh ke jā rahe the

kar ke tanqīd mere lahje pe

kam-suḳhan martaba baḌhā rahe the

zaKHm shiddat mein muskura rahe the

hazrat-e-mir yaad aa rahe the

ye wo pagal hai jis ka zikr kiya

wo taaruf mera kara rahe the

kis qadar shoKH un ka lahja tha

hum to bas dekhte hi ja rahe the

kya koi zaKHm-e-dil pe kha baiThe

tum jo ghaalib ko gunguna rahe the

hum to dahliz se hi lauT aae

wo bhi mahfil se uTh ke ja rahe the

kar ke tanqid mere lahje pe

kam-suKHan martaba baDha rahe the