aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

zalzalon ne kiya yun shahr ko mismar ki bas

Mohsin Ehsan

zalzalon ne kiya yun shahr ko mismar ki bas

Mohsin Ehsan

MORE BYMohsin Ehsan

    zalzaloñ ne kiyā yuuñ shahr ko mismār ki bas

    chīḳh uThe ḳhauf se bām-o-dar-o-dīvār ki bas

    bārisheñ le ga.ī haiñ saarā asāsa merā

    mehrbāñ itnā huā abr-e-guhar-bār ki bas

    ab kisī dil meñ nahīñ mimbar-o-mehrāb ḳhabt

    aise badnām hue jubba-o-dastār ki bas

    itnī mai bhī na milī hoñT zarā tar karte

    apnī taqdīr pe vo ro.e haiñ mai-ḳhvār ki bas

    shahr-e-taḳhrīb meñ kyā ḳhvāhish ta.amīr kareñ

    aise tārāj hue kūcha-o-bāzār ki bas

    ab ke ḳhurshīd ne barsā.ī hai vo tārīkī

    sar-barahna nikal aa.ī hai shab-e-tār ki bas

    zulm vo zulm ajal DhūñDhtī phirtī hai panah

    sabr vo sabr ki sharminda hai āzār ki bas

    yār-o-aġhyār ne dekhā hai ta.ajjub se bahut

    'mohsin'-ehsāñ pe thī vo tīroñ bauchhār ki bas

    zalzalon ne kiya yun shahr ko mismar ki bas

    chiKH uThe KHauf se baam-o-dar-o-diwar ki bas

    barishen le gai hain sara asasa mera

    mehrban itna hua abr-e-guhar-bar ki bas

    ab kisi dil mein nahin mimbar-o-mehrab ka KHabt

    aise badnam hue jubba-o-dastar ki bas

    itni mai bhi na mili honT zara tar karte

    apni taqdir pe wo roe hain mai-KHwar ki bas

    shahr-e-taKHrib mein kya KHwahish tamir karen

    aise taraj hue kucha-o-bazar ki bas

    ab ke KHurshid ne barsai hai wo tariki

    sar-barahna nikal aai hai shab-e-tar ki bas

    zulm wo zulm ajal DhunDhti phirti hai panah

    sabr wo sabr ki sharminda hai aazar ki bas

    yar-o-aghyar ne dekha hai tajjub se bahut

    'mohsin'-ehsan pe thi wo tiron ki bauchhaar ki bas

    Source:

    Sukhan sukhan mehtaab (Pg. 15)

    • Author: Aziz ahmed Khan
      • Edition: 2005
      • Publisher: Aziz ahmed Khan
      • Year of Publication: 2005
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now