zaman ke rang mein din-raat kya milata gaya

zamāñ ke rang meñ din-rāt kyā milātā gayā

maiñ apne vaqt se auqāt kyā milātā gayā

badan meñ aa ga.ī juġhrāfiyā.ī tabdīlī

tumhāre haath se maiñ haath kyā milātā gayā

phir is ke baa'd mujhe vaqt ne qubūl kiyā

maiñ din kī shaam se ik raat kyā milātā gayā

ragoñ se nuur mirī phūTne lagā ḳhud hī

lahū meñ ‘izzat-e-sādāt kyā milātā gayā

phir is ke baa'd kahānī ne ḳhud-kushī kar lī

vo dāstān meñ ik maat kyā milātā gayā

vo bādshāh-e-suḳhan sab ko kar gayā hairān

hamārī baat se vo baat kyā milātā gayā

phir us kī ‘izzat-o-takrīm bazm ne dekhī

ġhazal ke sāñche meñ ik naa't kyā milātā gayā

sharāb-e-vasl se har kaif uTh gayā 'tāhir'

hañsī-ḳhushī tire sadmāt kyā milātā gayā

maiñ bad-havās thā 'tāhir' tumhī kaho mujh se

vo ḳhaak meñ mire jazbāt kyā milātā gayā

zaman ke rang mein din-raat kya milata gaya

main apne waqt se auqat kya milata gaya

badan mein aa gai jughrafiyai tabdili

tumhaare hath se main hath kya milata gaya

phir is ke ba'd mujhe waqt ne qubul kiya

main din ki sham se ek raat kya milata gaya

ragon se nur meri phuTne laga KHud hi

lahu mein ‘izzat-e-sadat kya milata gaya

phir is ke ba'd kahani ne KHud-kushi kar li

wo dastan mein ek mat kya milata gaya

wo baadshah-e-suKHan sab ko kar gaya hairan

hamari baat se wo baat kya milata gaya

phir us ki ‘izzat-o-takrim bazm ne dekhi

ghazal ke sanche mein ek na't kya milata gaya

sharab-e-wasl se har kaif uTh gaya 'tahir'

hansi-KHushi tere sadmat kya milata gaya

main bad-hawas tha 'tahir' tumhi kaho mujh se

wo KHak mein mere jazbaat kya milata gaya