zamana-saz KHudaon se Dar gae hum tum

zamāna-sāz ḳhudāoñ se Dar ga.e ham tum

qasam ḳhudā kī mohabbat meñ mar ga.e ham tum

jahāñ meñ aa.e the kuchh 'āshiqān-e-ġham ke liye

sadā-e-'ishq lagā kar guzar ga.e ham tum

kabhī the jashn-e-bahārāñ kabhī the raunaq-e-gul

so misl-e-barg-e-ḳhizāñ ab bikhar ga.e ham tum

vabāl-e-gardish-e-daurāñ hameñ batā.e to

kahāñ se aa.e the aur ab kidhar ga.e ham tum

'ḳhadīja' 'ishq-o-mohabbat kī dāstāñ ban kar

koī to kaam zamāne meñ kar ga.e ham tum

zamana-saz KHudaon se Dar gae hum tum

qasam KHuda ki mohabbat mein mar gae hum tum

jahan mein aae the kuchh 'ashiqan-e-gham ke liye

sada-e-'ishq laga kar guzar gae hum tum

kabhi the jashn-e-bahaaran kabhi the raunaq-e-gul

so misl-e-barg-e-KHizan ab bikhar gae hum tum

wabaal-e-gardish-e-dauran hamein batae to

kahan se aae the aur ab kidhar gae hum tum

'KHadija' 'ishq-o-mohabbat ki dastan ban kar

koi to kaam zamane mein kar gae hum tum