zamane bhar ki nazron se yun zaKHmi dil chhupata hun

zamāne bhar kī nazroñ se yuuñ zaḳhmī dil chhupātā huuñ

maiñ aksar raat meñ rotā huuñ din meñ muskurātā huuñ

mujhe bhī jītne kā shauq hai terī tarah lekin

jahāñ rishte nibhāne hoñ vahāñ maiñ haar jaatā huuñ

isī andāz ne duniyā se mujh ko joḌ rakkhā hai

mujhe jab dard hotā hai maiñ behad muskurātā huuñ

are zulmat-kade ke pāsbāno ġhaur se sun lo

maiñ apne ḳhūn-e-dil se in charāġhoñ ko jalātā huuñ

'ajab insān ho tum kyā tumheñ ronā nahīñ aatā

chalo dekho mirī jānib tumheñ ro kar dikhātā huuñ

zamane bhar ki nazron se yun zaKHmi dil chhupata hun

main aksar raat mein rota hun din mein muskuraata hun

mujhe bhi jitne ka shauq hai teri tarah lekin

jahan rishte nibhane hon wahan main haar jata hun

isi andaz ne duniya se mujh ko joD rakkha hai

mujhe jab dard hota hai main behad muskuraata hun

are zulmat-kade ke pasbano ghaur se sun lo

main apne KHun-e-dil se in charaghon ko jalata hun

'ajab insan ho tum kya tumhein rona nahin aata

chalo dekho meri jaanib tumhein ro kar dikhata hun