zamane ko ulfat ka dastur kar dun

zamāne ko ulfat kā dastūr kar duuñ

maiñ terī kahānī ko mash.hūr kar duuñ

tire sāmne ro luuñ jī chāhtā hai

tire dil ko bhī ġham se maiñ chuur kar duuñ

masīhā kā ehsāñ nahīñ chāhtī huuñ

maiñ zaḳhmoñ ko apne hī añgūr kar duuñ

mire ishq par koī tohmat na dharnā

agar tum kaho ḳhud ko mansūr kar duuñ

agar mil sake mujh ko ashkoñ ke badle

ġham-e-ishq se ḳhud ko ma.amūr kar duuñ

agar aañkh bhar ke vo dekhe mujhe to

maiñ dil us kī ḳhidmat pe māmūr kar duuñ

girā duuñ maiñ nafrat kī dīvāreñ saarī

mohabbat ko duniyā kā manshūr kar duuñ

zamane ko ulfat ka dastur kar dun

main teri kahani ko mashhur kar dun

tere samne ro lun ji chahta hai

tere dil ko bhi gham se main chur kar dun

masiha ka ehsan nahin chahti hun

main zaKHmon ko apne hi angur kar dun

mere ishq par koi tohmat na dharna

agar tum kaho KHud ko mansur kar dun

agar mil sake mujh ko ashkon ke badle

gham-e-ishq se KHud ko mamur kar dun

agar aankh bhar ke wo dekhe mujhe to

main dil us ki KHidmat pe mamur kar dun

gira dun main nafrat ki diwaren sari

mohabbat ko duniya ka manshur kar dun