zamane mein wo mah-laqa ek hai

Rind Lakhnavi

zamane mein wo mah-laqa ek hai

Rind Lakhnavi

MORE BYRind Lakhnavi

    zamāne meñ vo mah-laqā ek hai

    hazāroñ meñ vo dilrubā ek hai

    ḳhudāvand-e-arz-o-samā ek hai

    qasam hai ḳhudā ḳhudā ek hai

    barābar hai apnā vajūd o adam

    hamārī baqā aur fanā ek hai

    adam ibtidā hai adam intihā

    mirī ibtidā intihā ek hai

    na hoñge ye hādis rahegā qadīm

    ġharaz sab haiñ faanī baqā ek hai

    zarā ġhaur se mir.āt-e-dil ko dekh

    ye ā.īna-e-haq-numā ek hai

    jinheñ kufr o ilhād kahtā hai shaiḳh

    faqat pher hai rāstā ek hai

    jahāñ meñ haiñ ġhāfil bahut se tarīq

    magar rāh-e-sidq-o-safā ek hai

    ma.āl-e-suḳhan zikr hai yaar

    kahūñ sau tarah mudda.ā ek hai

    mahal faqr hai ajā.ib maqām

    yahāñ masnad o boriyā ek hai

    kahāñ us ke aage kisī faroġh

    vo ḳhurshīd-rū mah-laqā ek hai

    fazīlat milī ek ko ek par

    ġharaz ek se yaañ sivā ek hai

    bachegā na kāvish se mizhgāñ ke dil

    ki nashtar bahut aabla ek hai

    jafākār dam-bāz kāzib muhīl

    maiñ vāqif huuñ vo bevafā ek hai

    hai amboh-e-ushshāq iisā ke ghar

    marīz itne dārushshifā ek hai

    nahīñ bachtā donoñ maarā huā

    tirī zulf aur azhdahā ek hai

    na aanā us zulf ke pech meñ

    are dil vo kaalī balā ek hai

    hazāroñ shahīd-e-mohabbat haiñ dafn

    galī us aur karbalā ek hai

    har ik dard hai mudāvā vo lab

    maraz saikḌoñ haiñ davā ek hai

    duī ko na de dil meñ ġhāfil jagah

    zabāñ ek hai aur ḳhudā ek hai

    kahoge jo kuchh to sunoge bhī 'rind'

    hañsī meñ to shaah o gadā ek hai

    zamane mein wo mah-laqa ek hai

    hazaron mein wo dilruba ek hai

    KHudawand-e-arz-o-sama ek hai

    qasam hai KHuda ki KHuda ek hai

    barabar hai apna wajud o adam

    hamari baqa aur fana ek hai

    adam ibtida hai adam intiha

    meri ibtida intiha ek hai

    na honge ye hadis rahega qadim

    gharaz sab hain fani baqa ek hai

    zara ghaur se miraat-e-dil ko dekh

    ye aaina-e-haq-numa ek hai

    jinhen kufr o ilhad kahta hai shaiKH

    faqat pher hai rasta ek hai

    jahan mein hain ghafil bahut se tariq

    magar rah-e-sidq-o-safa ek hai

    maal-e-suKHan zikr hai yar ka

    kahun sau tarah muddaa ek hai

    mahal faqr ka hai ajaib maqam

    yahan masnad o boriya ek hai

    kahan us ke aage kisi ka farogh

    wo KHurshid-ru mah-laqa ek hai

    fazilat mili ek ko ek par

    gharaz ek se yan siwa ek hai

    bachega na kawish se mizhgan ke dil

    ki nashtar bahut aabla ek hai

    jafakar dam-baz kazib muhil

    main waqif hun wo bewafa ek hai

    hai amboh-e-ushshaq isa ke ghar

    mariz itne darushshifa ek hai

    nahin bachta donon ka mara hua

    teri zulf aur azhdaha ek hai

    na aana tu us zulf ke pech mein

    are dil wo kali bala ek hai

    hazaron shahid-e-mohabbat hain dafn

    gali us ki aur karbala ek hai

    har ek dard ka hai mudawa wo lab

    maraz saikDon hain dawa ek hai

    dui ko na de dil mein ghafil jagah

    zaban ek hai aur KHuda ek hai

    kahoge jo kuchh to sunoge bhi 'rind'

    hansi mein to shah o gada ek hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY