zamane par na sahi dil pe iKHtiyar rahe

Yagana Changezi

zamane par na sahi dil pe iKHtiyar rahe

Yagana Changezi

MORE BYYagana Changezi

    Interesting Fact

    1925

    zamāne par na sahī dil pe iḳhtiyār rahe

    dikhā vo zor ki duniyā meñ yādgār rahe

    kahāñ talak dil-e-ġhamnāk parda-dār rahe

    zabān-e-hāl pe jab kuchh na iḳhtiyār rahe

    nizām-e-dahr ne kyā kyā na karvaTeñ badlīñ

    magar ham ek pahlū se be-qarār rahe

    hañsī meñ laġhzish-e-mastāna uḌ ga.ī vallāh

    to be-gunāhoñ se achchhe gunāhgār rahe

    ubhārtī hai havas tauba-e-rihā.ī

    ki dil ke saath zabāñ kyuuñ gunāhgār rahe

    dikhā duuñ chiir ke dil dard-e-dil kahūñ kab tak

    zabāñ pe kyuuñ ye taqāzā-e-nāgavār rahe

    taḌap taḌap ke uThā.ūñgā zindagī ke maze

    ḳhudā na-karda mujhe dil pe iḳhtiyār rahe

    sazā-e-ishq ba-qadr-e-gunāh nā-mumkin

    yahī bahut hai ki barham mizāj-e-yār rahe

    zamāna us ke sivā aur kyā vafā kartā

    chaman ujaḌ gayā kāñTe gale baar rahe

    ḳhizāñ ke dam se miTā ḳhūb-o-zisht jhagḌā

    chalo ye ḳhvāb huā gal rahe na ḳhaar rahe

    javāb de ke na toḌo kisī ġharīb dil

    balā se koī sarāpā umīd-vār rahe

    maza to jab hai 'yagānā' ki ye dil-e-ḳhud-bīñ

    ḳhudī ke nashe meñ be-gāna-e-ḳhumār rahe

    'yagānā' haal to dekho zamāna-sāzoñ

    havā meñ jaise bagūlā ḳharāb-o-ḳhvār rahe

    zamane par na sahi dil pe iKHtiyar rahe

    dikha wo zor ki duniya mein yaadgar rahe

    kahan talak dil-e-ghamnak parda-dar rahe

    zaban-e-haal pe jab kuchh na iKHtiyar rahe

    nizam-e-dahr ne kya kya na karwaTen badlin

    magar hum ek hi pahlu se be-qarar rahe

    hansi mein laghzish-e-mastana uD gai wallah

    to be-gunahon se achchhe gunahgar rahe

    ubhaarti hai hawas tauba-e-rihai ki

    ki dil ke sath zaban kyun gunahgar rahe

    dikha dun chir ke dil dard-e-dil kahun kab tak

    zaban pe kyun ye taqaza-e-nagawar rahe

    taDap taDap ke uThaunga zindagi ke maze

    KHuda na-karda mujhe dil pe iKHtiyar rahe

    saza-e-ishq ba-qadr-e-gunah na-mumkin

    yahi bahut hai ki barham mizaj-e-yar rahe

    zamana us ke siwa aur kya wafa karta

    chaman ujaD gaya kanTe gale ka bar rahe

    KHizan ke dam se miTa KHub-o-zisht ka jhagDa

    chalo ye KHwab hua gal rahe na KHar rahe

    jawab de ke na toDo kisi gharib ka dil

    bala se koi sarapa umid-war rahe

    maza to jab hai 'yagana' ki ye dil-e-KHud-bin

    KHudi ke nashe mein be-gana-e-KHumar rahe

    'yagana' haal to dekho zamana-sazon ka

    hawa mein jaise bagula KHarab-o-KHwar rahe

    Source :
    • Book : Kulliyat-e-Yagana (Pg. 317)
    • Author : Meerza Yagana Changezi Lukhnawi
    • Publication : Farib Book Depot (P) Ltd. (2005)
    • Edition : 2005
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now