zamin nahin ye meri aasman nahin mera

Abrar Ahmad

zamin nahin ye meri aasman nahin mera

Abrar Ahmad

MORE BYAbrar Ahmad

    zamīñ nahīñ ye mirī āsmāñ nahīñ merā

    matā-e-ḳhvāb ba-juz kuchh yahāñ nahīñ merā

    ye uuñT aur kisī ke haiñ dasht merā hai

    savār mere nahīñ sār-bāñ nahīñ merā

    mujhe tumhāre tayaqqun se ḳhauf aatā hai

    ki is yaqīn meñ shāmil gumāñ nahīñ merā

    maiñ ho gayā huuñ ḳhud apne safar se begāna

    ki niiñd merī hai ḳhvāb-e-ravāñ nahīñ merā

    to aab o ḳhaak se bach kar kidhar ko jaatā maiñ

    davām-e-vasl hai baaqī nishāñ nahīñ merā

    phir ek din usī miTTī ko lauT jā.ūñgā

    gurez tujh se rah-e-raftagāñ nahīñ merā

    sadā-e-shahr-e-guzishta abhī bulātī hai

    go ab aziiz koī bhī vahāñ nahīñ merā

    zamin nahin ye meri aasman nahin mera

    mata-e-KHwab ba-juz kuchh yahan nahin mera

    ye unT aur kisi ke hain dasht mera hai

    sawar mere nahin sar-ban nahin mera

    mujhe tumhaare tayaqqun se KHauf aata hai

    ki is yaqin mein shamil guman nahin mera

    main ho gaya hun KHud apne safar se begana

    ki nind meri hai KHwab-e-rawan nahin mera

    to aab o KHak se bach kar kidhar ko jata main

    dawam-e-wasl hai baqi nishan nahin mera

    phir ek din usi miTTi ko lauT jaunga

    gurez tujh se rah-e-raftagan nahin mera

    sada-e-shahr-e-guzishta abhi bulati hai

    go ab aziz koi bhi wahan nahin mera

    Source :
    • Book : Gaflat ke baraabar (Pg. 60)
    • Author : abraar ahmad
    • Publication : Mavra Books,Lahore (1997)
    • Edition : 1997
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now