zamin ne lafz ugaya nahin bahut din se

Farhat Ehsas

zamin ne lafz ugaya nahin bahut din se

Farhat Ehsas

MORE BY Farhat Ehsas

    zamīñ ne lafz ugāyā nahīñ bahut din se

    kuchh āsmāñ se bhī aayā nahīñ bahut din se

    ye shahr vo hai ki koī ḳhushī to kyā detā

    kisī ne dil bhī dukhāyā nahīñ bahut din se

    ajiib log haiñ bas rāstoñ meñ milte haiñ

    kisī ne ghar bulāyā nahīñ bahut din se

    tujhe bhulānā to mumkin nahīñ magar yūñhī

    tirā ḳhayāl aayā nahīñ bahut din se

    namāz kaise paḌhūñ maiñ baġhair paak hue

    ki āñsuoñ meñ nahāyā nahīñ bahut din se

    ham apnī mamlikat-e-dard meñ akele haiñ

    hamārī koī re.āyā nahīñ bahut din se

    mufāhamat ajab ho ga.ī hai raat ke saath

    charāġh maiñ ne jalāyā nahīñ bahut din se

    zamin ne lafz ugaya nahin bahut din se

    kuchh aasman se bhi aaya nahin bahut din se

    ye shahr wo hai ki koi KHushi to kya deta

    kisi ne dil bhi dukhaya nahin bahut din se

    ajib log hain bas raston mein milte hain

    kisi ne ghar hi bulaya nahin bahut din se

    tujhe bhulana to mumkin nahin magar yunhi

    tera KHayal hi aaya nahin bahut din se

    namaz kaise paDhun main baghair pak hue

    ki aansuon mein nahaya nahin bahut din se

    hum apni mamlikat-e-dard mein akele hain

    hamari koi reaya nahin bahut din se

    mufahamat si ajab ho gai hai raat ke sath

    charagh main ne jalaya nahin bahut din se

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY