zamin par na rahe aasman ko chhoD diya

zamīn par na rahe āsmāñ ko chhoḌ diyā

tumhāre ba.ad zamān o makāñ ko chhoḌ diyā

tabāh kar gayā ik lamha-e-ḳharāb mujhe

ki maiñ ne halqa-e-āvārgāñ ko chhoḌ diyā

kahīñ panāh nahīñ miltī lamha bhar ke liye

ki jab se mahfil-e-dil-dādgāñ ko chhoḌ diyā

bas ek kunj-e-ḳhas-o-ḳhāk meñ sukūn milā

so maiñ ne halqa-e-sayyārgāñ ko chhoḌ diyā

tumhāre ba.ad guzishta rahā na haal rahā

so dil ne ḳhadsha-e-ā.indagāñ ko chhoḌ diyā

zamin par na rahe aasman ko chhoD diya

tumhaare baad zaman o makan ko chhoD diya

tabah kar gaya ek lamha-e-KHarab mujhe

ki main ne halqa-e-awargan ko chhoD diya

kahin panah nahin milti lamha bhar ke liye

ki jab se mahfil-e-dil-dadgan ko chhoD diya

bas ek kunj-e-KHas-o-KHak mein sukun mila

so main ne halqa-e-sayyargan ko chhoD diya

tumhaare baad guzishta raha na haal raha

so dil ne KHadsha-e-aindagan ko chhoD diya