zamin sarakti hai phir saeban TuTta hai

Hasan Abbas Raza

zamin sarakti hai phir saeban TuTta hai

Hasan Abbas Raza

MORE BYHasan Abbas Raza

    zamīñ saraktī hai phir sā.ebān TūTtā hai

    aur us ke ba.ad sadā āsmān TūTtā hai

    maiñ apne-āp meñ taqsīm hone lagtā huuñ

    jo ek pal ko kabhī terā dhyān TūTtā hai

    koī parinda par kholtā hai uḌne ko

    phir ik chhanāke se ye ḳhāk-dān TūTtā hai

    jise bhī apnī safā.ī meñ pesh kartā huuñ

    vahī gavāh vahī mehrbān TūTtā hai

    na ham meñ hausla-e-ḳhud-kushī ki mar jaa.eñ

    na ham se qufl-e-dar-e-pāsbān TūTtā hai

    zakāt-e-ishq agar bāñTne pe aa jā.ūñ

    to ik hujūm-e-talab mujh pe aan TūTtā hai

    jo āñdhiyāñ sar-e-sahrā-e-hijr uThtī haiñ

    un āñdhiyoñ meñ 'razā' naḳhl-e-jān TūTtā hai

    zamin sarakti hai phir saeban TuTta hai

    aur us ke baad sada aasman TuTta hai

    main apne-ap mein taqsim hone lagta hun

    jo ek pal ko kabhi tera dhyan TuTta hai

    koi parinda sa par kholta hai uDne ko

    phir ek chhanake se ye KHak-dan TuTta hai

    jise bhi apni safai mein pesh karta hun

    wahi gawah wahi mehrban TuTta hai

    na hum mein hausla-e-KHud-kushi ki mar jaen

    na hum se qufl-e-dar-e-pasban TuTta hai

    zakat-e-ishq agar banTne pe aa jaun

    to ek hujum-e-talab mujh pe aan TuTta hai

    jo aandhiyan sar-e-sahra-e-hijr uThti hain

    un aandhiyon mein 'raza' naKHl-e-jaan TuTta hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY