zanjiron se bandha hua har ek yahudi takta tha

zanjīroñ se bañdhā huā har ek yahūdī taktā thā

kosoñ duur se bābul kā raushan mīnār chamaktā thā

ġhaar kī rañgīñ tasvīroñ ko aur zamāne dekheñge

ham ne bas vo naqsh kiyā jo us lamhe ban saktā thā

ik shaffāf darīche meñ kuchh rañg birañge manzar the

gul-dānoñ meñ phuul farozāñ ātish-dān bhaḌaktā thā

maiñ jis masnad par thā vo to ik goshe meñ rakkhī thī

aur darīcha chupke se manzar kī samt saraktā thā

bārish chhappar tez havā.eñ misrī jaise sindhī giit

yaar sarā.e ke chūlhe par mīThā qahva paktā thā

jañgal gaañv parinde insāñ qisse meñ sab lākhoñ the

sayyāre kā sūraj lekin tanhā.ī meñ yaktā thā

zanjiron se bandha hua har ek yahudi takta tha

koson dur se babul ka raushan minar chamakta tha

ghaar ki rangin taswiron ko aur zamane dekhenge

hum ne bas wo naqsh kiya jo us lamhe ban sakta tha

ek shaffaf dariche mein kuchh rang birange manzar the

gul-danon mein phul farozan aatish-dan bhaDakta tha

main jis masnad par tha wo to ek goshe mein rakkhi thi

aur daricha chupke se manzar ki samt sarakta tha

barish chhappar tez hawaen misri jaise sindhi git

yar sarae ke chulhe par miTha qahwa pakta tha

jangal ganw parinde insan qisse mein sab lakhon the

sayyare ka suraj lekin tanhai mein yakta tha