zara Thokar lage to KHud-kushi key baat karta hai

zarā Thokar lage to ḳhud-kushī key baat kartā hai

bashar is daur kā kuchh uljhanoñ se kitnā Dartā hai

kaho us se yahāñ phūloñ se kuchh hāsil nahīñ hotā

ki manzil us ko miltī hai jo kāñToñ se guzartā hai

kisī din qarz us ne bhī liyā hogā zamāna se

tabhī ban kar rinī ye vaqt sab ke zaḳhm bhartā hai

kabhī bhī god letī hī nahīñ phir ye koī sapnā

kisī bhī aañkh meñ is kā koī jab ḳhvāb martā hai

kuḌhan hotī hai kuchh yuuñ noch luuñ maiñ jism tak apnā

kisī ik shaḳhs kā chhūnā kabhī itnā akhartā hai

ye laalī aur biñdī 'rīt' kyoñ bhāte nahīñ tum ko

isī shringār se to jism aurat kā sañvartā hai

zara Thokar lage to KHud-kushi key baat karta hai

bashar is daur ka kuchh uljhanon se kitna Darta hai

kaho us se yahan phulon se kuchh hasil nahin hota

ki manzil us ko milti hai jo kanTon se guzarta hai

kisi din qarz us ne bhi liya hoga zamana se

tabhi ban kar rini ye waqt sab ke zaKHm bharta hai

kabhi bhi god leti hi nahin phir ye koi sapna

kisi bhi aankh mein is ka koi jab KHwab marta hai

kuDhan hoti hai kuchh yun noch lun main jism tak apna

kisi ek shaKHs ka chhuna kabhi itna akharta hai

ye lali aur bindi 'rit' kyon bhate nahin tum ko

isi shringar se to jism aurat ka sanwarta hai