zard mausam mein bhi ek shaKH hari rahti hai

zard mausam meñ bhī ik shāḳh harī rahtī hai

dil ke gulshan meñ koī sabz parī rahtī hai

tishna-lab kaun hai vo jis ke liye nahr-e-furāt

merī palkoñ kī muñDeroñ pe dharī rahtī hai

mustaqil ḳhāna-badoshī kā koī ajr nahīñ

paañv se lipTī mire dar-ba-darī rahtī hai

ai mire dil ke makīñ kuchh nahīñ tabdīl huā

tum jahāñ rahte the shorīda-sarī rahtī hai

jism ke bhed to khul jaate haiñ dhīre dhīre

ruuh se ruuh kī to parda-darī rahtī hai

dost ho jaatā mirā saarā zamāna 'hāshim'

mere hoñToñ pe magar baat kharī rahtī hai

zard mausam mein bhi ek shaKH hari rahti hai

dil ke gulshan mein koi sabz pari rahti hai

tishna-lab kaun hai wo jis ke liye nahr-e-furaat

meri palkon ki munDeron pe dhari rahti hai

mustaqil KHana-badoshi ka koi ajr nahin

panw se lipTi mere dar-ba-dari rahti hai

ai mere dil ke makin kuchh nahin tabdil hua

tum jahan rahte the shorida-sari rahti hai

jism ke bhed to khul jate hain dhire dhire

ruh se ruh ki to parda-dari rahti hai

dost ho jata mera sara zamana 'hashim'

mere honTon pe magar baat khari rahti hai