zarre ka ek bund mein paikar ubhaar kar

zarre kā ek buuñd meñ paikar ubhār kar

aa dekhte haiñ bahr meñ sahrā utaar kar

sahrā meñ tishnagī kī taḌap ko banā sabīl

paanī nikāl haath nahīñ paañv maar kar

sun zindagī ke zimn meñ lā-hāsilī kī baat

lamhe ke ham hue nahīñ 'umreñ guzār kar

vā'iz ye diin dharm kī hujjat hai kis liye

achchhā hai jo yahāñ use achchhā shumār kar

pūchhā hai ye ki hai koī tardīd kā sabab

ye to nahīñ kahā ki mirā e'tibār kar

'āsim' nazar kī qaid se bāhar kabhī nikal

husn-e-gumāñ se fasl-e-ḳhizāñ ko bahār kar

zarre ka ek bund mein paikar ubhaar kar

aa dekhte hain bahr mein sahra utar kar

sahra mein tishnagi ki taDap ko bana sabil

pani nikal hath nahin panw mar kar

sun zindagi ke zimn mein la-hasili ki baat

lamhe ke hum hue nahin 'umren guzar kar

wa'iz ye din dharm ki hujjat hai kis liye

achchha hai jo yahan use achchha shumar kar

puchha hai ye ki hai koi tardid ka sabab

ye to nahin kaha ki mera e'tibar kar

'asim' nazar ki qaid se bahar kabhi nikal

husn-e-guman se fasl-e-KHizan ko bahaar kar