zarre-zarre se yun KHuda nikla

zarre-zarre se yuuñ ḳhudā niklā

ek tere mire sivā niklā

ham jo bante the sar-phire itne

koī ham se bhī sar-phirā niklā

ham ne khodī khadān hiire kī

aur qismat meñ ko.elā niklā

ishq-bāzī na chal sakī do din

laḌkā vo ishq meñ nayā niklā

shauqiya sher kah rahe the ham

lo jī is meñ bhī to nasha niklā

be-maza chīzeñ jab ikaTThī kiiñ

haa.e un meñ bhī ik maza niklā

shaḳhs vo hī thā jaan se pyārā

aur vo hī to bevafā niklā

ab bhī ḳhud se kahāñ maiñ mil paa.ī

ab bhī kyā merā bachpanā niklā

zarre-zarre se yun KHuda nikla

ek tere mere siwa nikla

hum jo bante the sar-phire itne

koi hum se bhi sar-phira nikla

hum ne khodi khadan hire ki

aur qismat mein koela nikla

ishq-bazi na chal saki do din

laDka wo ishq mein naya nikla

shauqiya sher kah rahe the hum

lo ji is mein bhi to nasha nikla

be-maza chizen jab ikaTThi kin

hae un mein bhi ek maza nikla

shaKHs wo hi tha jaan se pyara

aur wo hi to bewafa nikla

ab bhi KHud se kahan main mil pai

ab bhi kya mera bachpana nikla