zarurat be-zarurat bolti hai

zarūrat be-zarūrat boltī hai

jahāñ daulat ho daulat boltī hai

mohabbat kār-farmā hai hamārī

tire chehre kī rañgat boltī hai

parakhne kā zarā sā tajraba ho

har ik shai apnī qīmat boltī hai

zabāñ aur aañkh donoñ band rakhnā

qabīle se qayādat boltī hai

ye hotā hai jo himmat haar baiTho

ki baḌh-chaḌh kar musībat boltī hai

chamaknā hai to mere saath aa jā

muqaddar se ye mehnat boltī hai

tumhārā kab hai jo kuchh hai tumhārā

buzurgoñ kī vasiyyat boltī hai

tumhāre paas sab hai maiñ nahīñ huuñ

sisaktī ādamiyat boltī hai

zarurat be-zarurat bolti hai

jahan daulat ho daulat bolti hai

mohabbat kar-farma hai hamari

tere chehre ki rangat bolti hai

parakhne ka zara sa tajraba ho

har ek shai apni qimat bolti hai

zaban aur aankh donon band rakhna

qabile se qayaadat bolti hai

ye hota hai jo himmat haar baiTho

ki baDh-chaDh kar musibat bolti hai

chamakna hai to mere sath aa ja

muqaddar se ye mehnat bolti hai

tumhaara kab hai jo kuchh hai tumhaara

buzurgon ki wasiyyat bolti hai

tumhaare pas sab hai main nahin hun

sisakti aadamiyat bolti hai