aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

zarurat hai kisi bhi KHwab ki tabir se pahle

Shabbir Ahmad Shad

zarurat hai kisi bhi KHwab ki tabir se pahle

Shabbir Ahmad Shad

MORE BYShabbir Ahmad Shad

    zarūrat hai kisī bhī ḳhvāb ta.abīr se pahle

    banā lo zehn meñ naqsha koī ta.amīr se pahle

    azal se āshnā hai dil tire jalvoñ se ai hamdam

    tasavvur meñ tirī tasvīr thī tasvīr se pahle

    baḌī koshish kare insān hāsil kuchh nahīñ hotā

    milā hai vaqt se pahle na kuchh taqdīr se pahle

    nasheman barq zad par banānā chāhtā huuñ maiñ

    tasalsul hai mirā qaa.em har ik ta.amīr se pahle

    na do zahmat mire mahbūb nāzuk haath ko apne

    maiñ zaḳhmī huuñ adā-e-nāz shamshīr se pahle

    yahāñ Duubī huī thī ādamiyat ghup añdheroñ meñ

    jahālat añdherā thā tirī tanvīr se pahle

    kisī ke naqsh-e-pā ko ham banā leñ rahnumā apnā

    koī ġhālib na ho paayā janāb-e-'mīr' se pahle

    zabān-e-'shād' par aatā hai terā naam ai ḳhāliq

    har ik āġhāz se pahle har ik tahrīr se pahle

    zarurat hai kisi bhi KHwab ki tabir se pahle

    bana lo zehn mein naqsha koi tamir se pahle

    azal se aashna hai dil tere jalwon se ai hamdam

    tasawwur mein teri taswir thi taswir se pahle

    baDi koshish kare insan hasil kuchh nahin hota

    mila hai waqt se pahle na kuchh taqdir se pahle

    nasheman barq ki zad par banana chahta hun main

    tasalsul hai mera qaem har ek tamir se pahle

    na do zahmat mere mahbub nazuk hath ko apne

    main zaKHmi hun ada-e-naz ki shamshir se pahle

    yahan Dubi hui thi aadamiyat ghup andheron mein

    jahaalat ka andhera tha teri tanwir se pahle

    kisi ke naqsh-e-pa ko hum bana len rahnuma apna

    koi ghaalib na ho paya janab-e-'mir' se pahle

    zaban-e-'shad' par aata hai tera nam ai KHaliq

    har ek aaghaz se pahle har ek tahrir se pahle

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now