zaruri kaamon ki fihrist jab banata hun

zarūrī kāmoñ kī fihrist jab banātā huuñ

sivā tumhāre maiñ har baat bhuul jaatā huuñ

maiñ apne sabr ko is tarah āzmātā huuñ

jhulaste sahrā meñ shādābiyāñ ugātā huuñ

mere dimāġh pe haavī hai merā pāgal-pan

purānī āñkhoñ pe chehra nayā lagātā huuñ

jise zamāna samajhtā hai maiñ ne likkhe haiñ

vo tere giit haiñ jin ko maiñ gungunātā huuñ

tamām ḳhvāb sajā kar ḳhud apnī āñkhoñ meñ

maiñ apnī niiñd se aksar fareb khātā huuñ

na jaane kitnī hī bāteñ jo tum se karnī thiiñ

tumhāre sāmne aate hī bhuul jaatā huuñ

kahīñ tabāh na kar deñ ye mustaqil ḳhushiyāñ

udāsiyo maiñ tumheñ is liye bulātā huuñ

zaruri kaamon ki fihrist jab banata hun

siwa tumhaare main har baat bhul jata hun

main apne sabr ko is tarah aazmata hun

jhulaste sahra mein shadabiyan ugata hun

mere dimagh pe hawi hai mera pagal-pan

purani aankhon pe chehra naya lagata hun

jise zamana samajhta hai main ne likkhe hain

wo tere git hain jin ko main gungunata hun

tamam KHwab saja kar KHud apni aankhon mein

main apni nind se aksar fareb khata hun

na jaane kitni hi baaten jo tum se karni thin

tumhaare samne aate hi bhul jata hun

kahin tabah na kar den ye mustaqil KHushiyan

udasiyo main tumhein is liye bulata hun