zaruri shai thi magar hath hi nahin aai

zarūrī shai thī magar haath hī nahīñ aa.ī

hamārī samt kabhī zindagī nahīñ aa.ī

sitam nahīñ ki hameñ ḳhvāb ne rakkhā mahrūm

sitam to ye ki hameñ niiñd bhī nahīñ aa.ī

purānā dost milā par milā ġhurūr ke saath

ki chāñd aaya magar chāñdnī nahīñ aa.ī

ham apne karb to lafzoñ meñ bāñdh sakte haiñ

magar vo log jinheñ shā.erī nahīñ aa.ī

vo ek baat jise bolne ko marte the

vo ek baat hameñ bolnī nahīñ aa.ī

ġhamoñ kā shukr ki ye saath to raheñ tā-umr

ḳhushī kā kyā kabhī aa.ī kabhī nahīñ aa.ī

kisī ne chhup ke kahīñ to bahā.e haiñ aañsū

shadīd dhuup meñ yūñhī namī nahīñ aa.ī

zaruri shai thi magar hath hi nahin aai

hamari samt kabhi zindagi nahin aai

sitam nahin ki hamein KHwab ne rakkha mahrum

sitam to ye ki hamein nind bhi nahin aai

purana dost mila par mila ghurur ke sath

ki chand aaya magar chandni nahin aai

hum apne karb to lafzon mein bandh sakte hain

magar wo log jinhen shaeri nahin aai

wo ek baat jise bolne ko marte the

wo ek baat hamein bolni nahin aai

ghamon ka shukr ki ye sath to rahen ta-umr

KHushi ka kya kabhi aai kabhi nahin aai

kisi ne chhup ke kahin to bahae hain aansu

shadid dhup mein yunhi nami nahin aai