zauq-e-sarmasti ko mahw-e-ru-e-jaanan kar diya

Asghar Gondvi

zauq-e-sarmasti ko mahw-e-ru-e-jaanan kar diya

Asghar Gondvi

MORE BYAsghar Gondvi

    zauq-e-sarmastī ko mahv-e-rū-e-jānāñ kar diyā

    kufr ko is tarah chamkāyā ki īmāñ kar diyā

    ne ye ejaaz kyā ai soz-e-pinhāñ kar diyā

    is tarah phūñkā ki āḳhir jism ko jaañ kar diyā

    jis pe merī justujū ne Daal rakkhe the hijāb

    be-ḳhudī ne ab use mahsūs o uryāñ kar diyā

    kuchh na ham se ho sakā is iztirāb-e-shauq meñ

    un ke dāman ko magar apnā garebāñ kar diyā

    go nahīñ rahtā kabhī parde meñ rāz-e-āshiqī

    tum ne chhup kar aur bhī us ko numāyāñ kar diyā

    rakh diye dair o haram sar mārne ke vāste

    bandagī ko be-niyāz-e-kufr-o-īmāñ kar diyā

    āriz-e-nāzuk pe un ke rañg kuchh aa gayā

    in guloñ ko chheḌ kar ham ne gulistāñ kar diyā

    in butoñ sūrat-e-zebā ko 'asġhar' kyā kahūñ

    par ḳhudā ne vaa.e nākāmī musalmāñ kar diyā

    zauq-e-sarmasti ko mahw-e-ru-e-jaanan kar diya

    kufr ko is tarah chamkaya ki iman kar diya

    tu ne ye ejaz kya ai soz-e-pinhan kar diya

    is tarah phunka ki aaKHir jism ko jaan kar diya

    jis pe meri justuju ne Dal rakkhe the hijab

    be-KHudi ne ab use mahsus o uryan kar diya

    kuchh na hum se ho saka is iztirab-e-shauq mein

    un ke daman ko magar apna gareban kar diya

    go nahin rahta kabhi parde mein raaz-e-ashiqi

    tum ne chhup kar aur bhi us ko numayan kar diya

    rakh diye dair o haram sar marne ke waste

    bandagi ko be-niyaz-e-kufr-o-iman kar diya

    aariz-e-nazuk pe un ke rang sa kuchh aa gaya

    in gulon ko chheD kar hum ne gulistan kar diya

    in buton ki surat-e-zeba ko 'asghar' kya kahun

    par KHuda ne wae nakaami musalman kar diya

    RECITATIONS

    Nomaan Shauque

    Nomaan Shauque

    Nomaan Shauque

    zauq-e-sarmasti ko mahw-e-ru-e-jaanan kar diya Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY