zehn mein lagta hai jab KHush-rang lafzon ka hujum
zehn meñ lagtā hai jab ḳhush-rañg lafzoñ kā hujūm
dhundlā dhundlā sā nazar aatā hai logoñ kā hujūm
umr bhar ke ai thake haare musāfir hoshiyār
manziloñ se pesh-tar hai ik daraḳhtoñ kā hujūm
us kī yādoñ kā samāñ bhī kis qadar pur-kaif hai
jaise gulshan meñ utar aa.e parindoñ kā hujūm
mehrbāñ jab se hue jañgal pe sūraj devtā
zard sā lagne lagā sarsabz peḌoñ kā hujūm
sahm jaatā huuñ akelā pā ke apne aap ko
nasb ho dīvār-o-dar meñ jaise āñkhoñ kā hujūm
ahd-e-māzī kī taraf chāhā hai dil ne lauTnā
dekh kar schōl ke ma.asūm bachchoñ kā hujūm
zehn mein lagta hai jab KHush-rang lafzon ka hujum
dhundla dhundla sa nazar aata hai logon ka hujum
umr bhar ke ai thake haare musafir hoshiyar
manzilon se pesh-tar hai ek daraKHton ka hujum
us ki yaadon ka saman bhi kis qadar pur-kaif hai
jaise gulshan mein utar aae parindon ka hujum
mehrban jab se hue jangal pe suraj dewta
zard sa lagne laga sarsabz peDon ka hujum
sahm jata hun akela pa ke apne aap ko
nasb ho diwar-o-dar mein jaise aankhon ka hujum
ahd-e-mazi ki taraf chaha hai dil ne lauTna
dekh kar school ke masum bachchon ka hujum
This content features in following collection(s)
COMMENT
COMMENTS
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
