zehn par utre azabon ki qasam khate hain

zehn par utre 'azāboñ kī qasam khāte haiñ

ham haiñ maujūd kitāboñ kī qasam khāte haiñ

vo haiñ sabza unheñ zebā hai qasam paanī kī

ham to sahrā haiñ sarāboñ kī qasam khāte haiñ

chāñd taare hoñ ki āñkhoñ meñ chamakte jugnū

raat bhar bas tire ḳhvāboñ kī qasam khāte haiñ

masjideñ dil kī azānoñ kī qasam khātī haiñ

dil ke mai-ḳhāne sharāboñ kī qasam khāte haiñ

ye alag baat ki ḳhāroñ se ghire haiñ lekin

jab bhī khāte haiñ gulāboñ kī qasam khāte haiñ

zehn par utre 'azabon ki qasam khate hain

hum hain maujud kitabon ki qasam khate hain

wo hain sabza unhen zeba hai qasam pani ki

hum to sahra hain sarabon ki qasam khate hain

chand tare hon ki aankhon mein chamakte jugnu

raat bhar bas tere KHwabon ki qasam khate hain

masjiden dil ki azanon ki qasam khati hain

dil ke mai-KHane sharabon ki qasam khate hain

ye alag baat ki KHaron se ghire hain lekin

jab bhi khate hain gulabon ki qasam khate hain