zehn rahta hai badan KHwab ke dam tak us ka

zehn rahtā hai badan ḳhvāb ke dam tak us kā

phir vahī rañj vahī ḳhema-e-ġham tak us kā

merī āñkheñ merī dahlīz pe rakh detā hai

ḳhaas hai mere liye shauq-e-sitam tak us kā

hai mere āb-e-mohabbat se vo shādāb bahut

merī pahchān meñ hai qāmat-e-nam tak us kā

bādbāñ ab to havāoñ ko bhī pahchānte haiñ

haath pahuñchā hai bahut der meñ ham tak us kā

dil-e-afsurda sar-e-shām sulag uThtā hai

sāhil-e-jāñ rakhe ab kaise bharam tak us kā

vo to jhoñke kī tarah aa ke guzar jaatā hai

dasht-e-jāñ us kā hai aur ḳhvāb-e-iram tak us kā

kū-e-ehsās tire hausle taslīm magar

sehn-e-zindāñ hī lage naqsh-e-qadam tak us kā

baat ā.īne se karne ko bhī mauqa.a DhūñDeñ

ḳhalvat-e-shauq tarāshe hai sanam tak us kā

zehn rahta hai badan KHwab ke dam tak us ka

phir wahi ranj wahi KHema-e-gham tak us ka

meri aankhen meri dahliz pe rakh deta hai

KHas hai mere liye shauq-e-sitam tak us ka

hai mere aab-e-mohabbat se wo shadab bahut

meri pahchan mein hai qamat-e-nam tak us ka

baadban ab to hawaon ko bhi pahchante hain

hath pahuncha hai bahut der mein hum tak us ka

dil-e-afsurda sar-e-sham sulag uThta hai

sahil-e-jaan rakhe ab kaise bharam tak us ka

wo to jhonke ki tarah aa ke guzar jata hai

dasht-e-jaan us ka hai aur KHwab-e-iram tak us ka

ku-e-ehsas tere hausle taslim magar

sehn-e-zindan hi lage naqsh-e-qadam tak us ka

baat aaine se karne ko bhi mauqa DhunDen

KHalwat-e-shauq tarashe hai sanam tak us ka