zer-e-zamin dabi hui KHak ko aasan kaho

Shamim Hanafi

zer-e-zamin dabi hui KHak ko aasan kaho

Shamim Hanafi

MORE BYShamim Hanafi

    zer-e-zamīñ dabī huī ḳhaak ko āsāñ kaho

    harf-e-ḳharāb-o-ḳhasta ko zid hai ki dāstāñ kaho

    āb-e-siyāh pher do bāb-e-vafā ke naqsh par

    shahr-e-anā meñ jab kabhī qissa-e-dīgarāñ kaho

    kaun sharīk-e-dard thā ātish-e-sard ke sivā

    raakh haqīr thī magar raakh ko mehrbāñ kaho

    duur ḳhalā ke dasht meñ misl-e-sharār sabt haiñ

    kis ne unheñ ḳhafā kiyā kyuuñ hue bad-gumāñ kaho

    sañg-e-sazā ḳhauf bhī bistar-e-jāñ se uTh gayā

    saltanat-e-jalāl ko TuuTī huī kamāñ kaho

    ā.ina-e-sarāb hai gard pas-e-habāb hai

    Thahrī huī hai zindagī phir bhī ise ravāñ kaho

    shaam huī to jal uThe raat Dhalī to bujh ga.e

    ham bhī yūñhī fanā hue ham ko bhī rā.egāñ kaho

    zer-e-zamin dabi hui KHak ko aasan kaho

    harf-e-KHarab-o-KHasta ko zid hai ki dastan kaho

    aab-e-siyah pher do bab-e-wafa ke naqsh par

    shahr-e-ana mein jab kabhi qissa-e-digaran kaho

    kaun sharik-e-dard tha aatish-e-sard ke siwa

    rakh haqir thi magar rakh ko mehrban kaho

    dur KHala ke dasht mein misl-e-sharar sabt hain

    kis ne unhen KHafa kiya kyun hue bad-guman kaho

    sang-e-saza ka KHauf bhi bistar-e-jaan se uTh gaya

    saltanat-e-jalal ko TuTi hui kaman kaho

    aaina-e-sarab hai gard pas-e-habab hai

    Thahri hui hai zindagi phir bhi ise rawan kaho

    sham hui to jal uThe raat Dhali to bujh gae

    hum bhi yunhi fana hue hum ko bhi raegan kaho

    Videos
    This video is playing from YouTube

    Videos
    This video is playing from YouTube

    Shamim Hanafi

    Shamim Hanafi

    RECITATIONS

    Shamim Hanafi

    Shamim Hanafi

    Shamim Hanafi

    zer-e-zamin dabi hui KHak ko aasan kaho Shamim Hanafi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY