zist ka hasil banaya dil jo goya kuchh na tha
ziist kā hāsil banāyā dil jo goyā kuchh na thā
ġham ne dil ko dil banāyā varna kyā thā kuchh na thā
vo to mere sāmne the dekhne kī der thī
maiñ ne āñkheñ band kar liiñ varna pardā kuchh na thā
yā alam-koshī rahī yā ḳhud-farāmoshī rahī
dil kisī din dil na thā yā dard thā yā kuchh na thā
kuchh samajh kar ḳhud hī ham ne jaan de dī dil ke saath
un kī nazroñ kā abhī aisā taqāzā kuchh na thā
aap kā dīvāna thā ye idda.ā bātil sahī
'fānī'-e-dīvāna dīvāna bhī thā yā kuchh na thā
zist ka hasil banaya dil jo goya kuchh na tha
gham ne dil ko dil banaya warna kya tha kuchh na tha
wo to mere samne the dekhne ki der thi
main ne aankhen band kar lin warna parda kuchh na tha
ya alam-koshi rahi ya KHud-faramoshi rahi
dil kisi din dil na tha ya dard tha ya kuchh na tha
kuchh samajh kar KHud hi hum ne jaan de di dil ke sath
un ki nazron ka abhi aisa taqaza kuchh na tha
aap ka diwana tha ye iddaa baatil sahi
'fani'-e-diwana diwana bhi tha ya kuchh na tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
