zist mein koshish-e-nakaam se pahle pahle

ziist meñ koshish-e-nākām se pahle pahle

soch āġhāz ko anjām se pahle pahle

har bure kaam kā anjām burā hotā hai

un ko samjhā do bure kaam se pahle pahle

shukriya aap ke aane kā ayādat ko mirī

dard kam ho gayā ārām se pahle pahle

aaj mai-ḳhāne meñ jab ḳhauf-e-ḳhudā yaad aayā

haath tharrāne lage jaam se pahle pahle

adl-o-insāf kī azmat ko bachāne ke liye

sar ko kaTvā diyā ilzām se pahle pahle

ye bhī mumkin thā mirī maut bhī Tal saktī thī

aap aa jaate agar shaam se pahle pahle

jab zabāñ kholī to is shaan se kholī 'ārif'

naam terā liyā har naam se pahle pahle

zist mein koshish-e-nakaam se pahle pahle

soch aaghaz ko anjam se pahle pahle

har bure kaam ka anjam bura hota hai

un ko samjha do bure kaam se pahle pahle

shukriya aap ke aane ka ayaadat ko meri

dard kam ho gaya aaram se pahle pahle

aaj mai-KHane mein jab KHauf-e-KHuda yaad aaya

hath tharrane lage jam se pahle pahle

adl-o-insaf ki azmat ko bachane ke liye

sar ko kaTwa diya ilzam se pahle pahle

ye bhi mumkin tha meri maut bhi Tal sakti thi

aap aa jate agar sham se pahle pahle

jab zaban kholi to is shan se kholi 'arif'

nam tera liya har nam se pahle pahle