zikr-e-jaanan kar jo tujhse ho sake

zikr-e-jānāñ kar jo tujh se ho sake

vaa.iz ehsāñ kar jo tujh se ho sake

rāz-e-dil zāhir na ho ai dūd-e-āh

daaġh pinhāñ kar jo tujh se ho sake

phūñktā hai mujh ko ye soz-e-darūñ

chashm-e-giryāñ kar jo tujh se ho sake

ai masīhā mujh ko hai āzār-e-ishq

merā darmāñ kar jo tujh se ho sake

qais ko rotā huuñ ai dasht-e-junūñ

fikr-e-dāmāñ kar jo tujh se ho sake

chup hai kyuuñ o but ḳhudā kī vāste

kuchh to hūñ-hāñ kar jo tujh se ho sake

dil to us pe aaj sadqe ho gayā

tū bhī ai jaañ kar jo tujh se ho sake

lā muġhal kī teġh-e-abrū kā javāb

azm-e-safahāñ kar jo tujh se ho sake

rāz-poshī merī dūd-e-āh kī

dūd-e-qulyāñ kar jo tujh se ho sake

khet dikhlā mujh ko ai shamshīr-e-yār

kār-e-dahqāñ kar jo tujh se ho sake

ḳhirman-e-māh-e-daraḳhshāñ ko uḌā

kār-e-dahqāñ kar jo tujh se ho sake

tā-ba-kai yād-e-ruḳh-e-jānāñ dilā

hifz qur.āñ kar jo tujh se ho sake

vo parī merī musaḳhḳhar ho ye kaam

ai sulaimāñ kar jo tujh se ho sake

ek din dīvār hī phā.duñgā maiñ

ḳhair darbāñ kar jo tujh se ho sake

yuuñ hī zāhir ho shab-e-furqat kī sub.h

daaġh pinhāñ kar jo tujh se ho sake

ai firañgan ḳhāna-e-vīrāñ mirā

inglistāñ kar jo tujh se ho sake

kar mirā ghar faiz-e-maqaddam se bahisht

mujh ko rizvāñ kar jo tujh se ho sake

jhiḌkiyāñ dī gāliyāñ dī dil dukhā

ai mirī jaañ kar jo tujh se ho sake

naza.a meñ to jaa.e sharb-e-mai pilā

saaqī ehsāñ ki jo tujh se ho sake

tū hī turbat par mirī chādar chaḌhā

māh-e-tābāñ kar jo tujh se ho sake

ai dil-e-nālāñ kahāñ tak shor-o-ġhul

zabt-e-afġhāñ kar jo tujh se ho sake

'mehr' yuuñ fikr-e-pareshāñ tā-ba-kai

jam.a dīvāñ kar jo tujh se ho sake

zikr-e-jaanan kar jo tujh se ho sake

waiz ehsan kar jo tujh se ho sake

raaz-e-dil zahir na ho ai dud-e-ah

dagh pinhan kar jo tujh se ho sake

phunkta hai mujh ko ye soz-e-darun

chashm-e-giryan kar jo tujh se ho sake

ai masiha mujh ko hai aazar-e-ishq

mera darman kar jo tujh se ho sake

qais ko rota hun ai dasht-e-junun

fikr-e-daman kar jo tujh se ho sake

chup hai kyun o but KHuda ki waste

kuchh to hun-han kar jo tujh se ho sake

dil to us pe aaj sadqe ho gaya

tu bhi ai jaan kar jo tujh se ho sake

la mughal ki tegh-e-abru ka jawab

azm-e-safahan kar jo tujh se ho sake

raaz-poshi meri dud-e-ah ki

dud-e-qulyan kar jo tujh se ho sake

khet dikhla mujh ko ai shamshir-e-yar

kar-e-dahqan kar jo tujh se ho sake

KHirman-e-mah-e-daraKHshan ko uDa

kar-e-dahqan kar jo tujh se ho sake

ta-ba-kai yaad-e-ruKH-e-jaanan dila

hifz quran kar jo tujh se ho sake

wo pari meri musaKHKHar ho ye kaam

ai sulaiman kar jo tujh se ho sake

ek din diwar hi phadunga main

KHair darban kar jo tujh se ho sake

yun hi zahir ho shab-e-furqat ki subh

dagh pinhan kar jo tujh se ho sake

ai firangan KHana-e-viran mera

inglistan kar jo tujh se ho sake

kar mera ghar faiz-e-maqaddam se bahisht

mujh ko rizwan kar jo tujh se ho sake

jhiDkiyan di galiyan di dil dukha

ai meri jaan kar jo tujh se ho sake

naza mein to jae sharb-e-mai pila

saqi ehsan ki jo tujh se ho sake

tu hi turbat par meri chadar chaDha

mah-e-taban kar jo tujh se ho sake

ai dil-e-nalan kahan tak shor-o-ghul

zabt-e-afghan kar jo tujh se ho sake

'mehr' yun fikr-e-pareshan ta-ba-kai

jama diwan kar jo tujh se ho sake