zikr mera lab-e-hasin pe tha

zikr merā lab-e-hasīn pe thā

maiñ Darāme ke pahle scene pe thā

saarā qissa alif se ye tak kal

chehra chehra mirī jabīn pe thā

raat tāroñ kī anjuman meñ kaTī

aañkh khulte hī maiñ zamīn pe thā

merī uñglī meñ chīḳh uThī cigarette

kaaf kā bojh garche shiin pe thā

din kī tārīkiyāñ sameTe hue

raat sūraj na.ī machine pe thā

tum bhī andhe kuñ.eñ meñ tanhā the

maiñ bhī tanhā fasīl-e-chīn pe thā

maiñ ne sochā ki duuñ sadā dar par

ghar musallat magar makīn pe thā

vo to but-ḳhāna mil gayā 'anvar'

varna maiñ kal bhī rāh-e-dīn pe thā

zikr mera lab-e-hasin pe tha

main Darame ke pahle scene pe tha

sara qissa alif se ye tak kal

chehra chehra meri jabin pe tha

raat taron ki anjuman mein kaTi

aankh khulte hi main zamin pe tha

meri ungli mein chiKH uThi cigarette

kaf ka bojh garche shin pe tha

din ki tarikiyan sameTe hue

raat suraj nai machine pe tha

tum bhi andhe kunen mein tanha the

main bhi tanha fasil-e-chin pe tha

main ne socha ki dun sada dar par

ghar musallat magar makin pe tha

wo to but-KHana mil gaya 'anwar'

warna main kal bhi rah-e-din pe tha