zillat hai jo phailae bashar pesh-e-digar hath

zillat hai jo phailā.e bashar pesh-e-digar haath

yārab na kabhī haath kā ho dast-nigar haath

panja kareñ ḳhurshīd se bedāroñ kī palkeñ

furqat kī shab aa jaa.e jo dāmān-e-sahar haath

haiñ sāhib-e-sar-panja ra.īsoñ ko nachāte

sar par jo paḌe choT to hotā hai sipar haath

jī meñ hai kahūñ un se ki huuñ dast-girafta

vo sun ke ḳhajil hoñ jo kaheñ laao idhar haath

kyā duzd-e-hinā haath lagā sīm-baroñ ko

dil haath se le jaatā hai chorī se vo har haath

ḳhurshīd ke panje se ishāra hai ki aaqil

allāh kī jānib ko uThā vaqt-e-sahar haath

zillat hai jo phailae bashar pesh-e-digar hath

yarab na kabhi hath ka ho dast-nigar hath

panja karen KHurshid se bedaron ki palken

furqat ki shab aa jae jo daman-e-sahar hath

hain sahib-e-sar-panja raison ko nachate

sar par jo paDe choT to hota hai sipar hath

ji mein hai kahun un se ki hun dast-girafta

wo sun ke KHajil hon jo kahen lao idhar hath

kya duzd-e-hina hath laga sim-baron ko

dil hath se le jata hai chori se wo har hath

KHurshid ke panje se ishaara hai ki aaqil

allah ki jaanib ko uTha waqt-e-sahar hath