zinda hona aur na jina tum hi kaho kya mumkin hai
zinda hona aur na jina tum hi kaho kya mumkin hai
Bilqis Zafirul Hasan
MORE BYBilqis Zafirul Hasan
zinda honā aur na jiinā tum hī kaho kyā mumkin hai
ḳhud ko kar denā an-dekhā tum hī kaho kyā mumkin hai
aas kī lau āñkhoñ meñ jalā.e laḌtī jā.ūñ añdheroñ se
raat hai raat kā ho na saverā tum hī kaho kyā mumkin hai
tez havā kā ik jhoñkā sho'loñ meñ badal ke rakh degā
chingārī ko dabā.e rakhnā tum hī kaho kyā mumkin hai
jhuuT ke paañv nahīñ hote ik roz to pakaḌ jā.egā
sach ke haath kabhī nahīñ aanā tum hī kaho kyā mumkin hai
kis kis ko chup koī kare haiñ jitne muñh haiñ utnī bāteñ
aag lage aur dhuāñ na uThnā tum hī kaho kyā mumkin hai
mumkin hai khul kar na kahā ho us se maiñ ne magar 'bilqīs'
us jaise kā kuchh na samajhnā tum hī kaho kyā mumkin hai
zinda hona aur na jina tum hi kaho kya mumkin hai
KHud ko kar dena an-dekha tum hi kaho kya mumkin hai
aas ki lau aankhon mein jalae laDti jaun andheron se
raat hai raat ka ho na sawera tum hi kaho kya mumkin hai
tez hawa ka ek jhonka sho'lon mein badal ke rakh dega
chingari ko dabae rakhna tum hi kaho kya mumkin hai
jhuT ke panw nahin hote ek roz to pakaD jaega
sach ke hath kabhi nahin aana tum hi kaho kya mumkin hai
kis kis ko chup koi kare hain jitne munh hain utni baaten
aag lage aur dhuan na uThna tum hi kaho kya mumkin hai
mumkin hai khul kar na kaha ho us se main ne magar 'bilqis'
us jaise ka kuchh na samajhna tum hi kaho kya mumkin hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
