zaKHm nasur koi hone se

Navin Joshi

zaKHm nasur koi hone se

Navin Joshi

MORE BYNavin Joshi

    zaḳhm nāsūr koī hone se

    dard ugtā hai dard bone se

    vo thā markūz mere markaz par

    aur udhaḌtā rahā maiñ kone se

    chalo ab hañs ke dekh lete haiñ

    dil pighalte nahīñ haiñ rone se

    ise ham suud ab kaheñ ziyāñ

    mil gayā ḳhvāb niiñd khone se

    vo añdheroñ meñ rahe āḳhir

    bujh ga.e jo charāġh Dhone se

    din meñ bhī raat samāñ hogā

    jāgte meñ yuuñ sab ke sone se

    merī miTTī hai ab talak kachchī

    ghul na jā.ūñ kahīñ bhigone se

    ab samundar nipaT akelā hai

    kyā milā kashtiyāñ Dubone se

    mere saa.e se ye bhī zāhir hai

    nuur haa.il hai mere hone se

    zaKHm nasur koi hone se

    dard ugta hai dard bone se

    wo tha markuz mere markaz par

    aur udhaDta raha main kone se

    chalo ab hans ke dekh lete hain

    dil pighalte nahin hain rone se

    ise hum sud ab kahen ya ziyan

    mil gaya KHwab nind khone se

    wo andheron mein hi rahe aaKHir

    bujh gae jo charagh Dhone se

    din mein bhi raat ka saman hoga

    jagte mein yun sab ke sone se

    meri miTTi hai ab talak kachchi

    ghul na jaun kahin bhigone se

    ab samundar nipaT akela hai

    kya mila kashtiyan Dubone se

    mere sae se ye bhi zahir hai

    nur hail hai mere hone se

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY